March the best month of the year
<p-color-red> عاجقة كتير مناسبات<p-color-red> هالشهر..صح؟
مرحبا! انا ريان التنير واليوم رح خبركن عن شهر اذار وليش <p-color-red>هلئد<p-color-red> فيه عجقة مناسبات.
كتير ناس بيعتبرو شهر اذار احلى شهر بالسنة,<p-color-red>اوعالقليلة<p-color-red> من احلى الاشهر.
الشهر يلي ببلش في فصل الربيع,
ففصل الشمس و الطبيعة والجمال اخد مكانة مميزة بحياتنا من بين كل اشهر السنة.
يمكن لان ايام المدرسة كنا ناخد عطلة طويلة؟ ممكن
بيشهد شهر اذار كل سنة اكتر من مناسبة مميزة و مهمة.
هالشهر يلي بيتميز بأنه شهر الربيع والخير والإنسانية، <p-color-red>مليان<p-color-red> بالاحتفالات العالمية والمحلية, الدينية و الاجتماعية،
طب يلا سوا نبلش نعدهن.
8 أذار:
هو يوم المرأة العالمي ,وكرسته الامم المتحدة للتعبير عن الاحترام العام،
واكيد لتقدير وحب المرأة لإنجازاتها الاقتصادية، والسياسية والاجتماعية.
واتنقى هيدا اليوم بسبب تاريخ انعقاد اول مؤتمر للاتحاد النسائي الديمقراطي العالمي بباريس سنة 1945.
9 أذار:
<p-color-red>بعكس<p-color-red> باقي الدول يلي بتحتفل بعيد المعلم ب 5 تشرين الاول.
بيحتفل لبنان بهالعيد ب 9 اذار يلي هوي تاريخ عيد الابجدية بالدول العربية.
بهاليوم بتحتفل كل مدارس لبنان و بتكرم الاساتذة والمعلمين و بيقدمو التلاميذ الهدايا لاساتذتن ليعبرو عن امتنانن و محبتن لالن و لجهودن.
و<p-color-red>اجا هالعيد<p-color-red> السنة بوقت عم يعاني فيه لبنان بسبب هجرة المعلمين المتمرسين من ورا الازمة <p-color-red>يلي ضربت البلد<p-color-red> و الحرب يلي اجت من بعدا و بعد ما خلصت لليوم.
11 أذار:
هو اليوم العالمي للكلى,
وهوي عبارة عن حملة صحية عالمية لرفع الوعي و بتركز ع أهمية الكلى وتأثير أمراض الكلى والمشاكل المرتبطة فيها
ويحتفل بهاليوم اكتر من 100 دولة ب ست قارات.
20أذار:
هو يوم السعادة العالمي.
فبيحتفل المجتمع الدولي كل سنة بهالتاريخ بيوم السعادة العالمي،
للتوعية بأهمية انو نسعى و نحارب الفقر ونحاول نوفر الرفاهية لكل الشعوب.
21 أذار:
وهو من اهم التواريخ بلبنان لان
بساقب اول يوم بفصل الربيع, وبيحتفل لبنان والعالم العربي بعيد الأم لتكريم الأمهات والأمومة ورابطة الأم بأبنائها وتأثير الأمهات ع المجتمع.
<p-color-red>ومش بس هيك كمان<p-color-red> بساقب عيد الطفل و كل المدارس بتعمل حفلات و مسرحيات بهالنهار.
منذكر انوهالتاريخ بس بالعالم العربي اما باقي الدول ف بيختلف مثلاً بالأرجنتين يوم 3 تشرين الاول اما أميركا فبيكون ب ٢ أيار.
سبب هالاختلاف لانو 21 اذار عالميا هوي اليوم العالمي لمتلازمة داون.
ف ييجتمعو بهل يوم و بيشاركو بأنشطة لزيادة الوعي العام و لبناء صوت عالمي واحد وللدفاع عن حقوق الاندماج والرفاهية لذوي الاحتياجات الخاصة.
25 أذار: هو عيد البشارة
و بهاليوم الملاك غبريال بشر فيه مريم العدرا بحملها بطفل، يلي هوي المسيح
بتبلش الاحتفالات بيوم البشارة ب لبنان بلدة حريصا، يلي فيها التمثال المشهور للعذراء، ارتفاعه شي 500 متر و بيطل على البحر ، من كل الجوانب.
بتكون هالكنيسة الكاثوليكية ب حريصا <p-color-red>عاجقة اغلب الوقت<p-color-red> لان بينعمل قداس فيها ،و بتم الاعترافات كمان فيها كل يوم.
وهالعيد صارعيد وطني ب لبنان بيعيده المسيحيين والمسلمين سوا,
لان نص البشارة ذكر بالانجيل والقرآن كمان.
ولانو مريم العدرا هي السيدة الحارسة لهالبلد و ناسو.
والسنة مش بس عيد البشارة جمع اللبنانيين,
كمان الصيام لان ساقبت صيام رمضان بلش بالوقت يلي كان صيام المسيحيين مبلش.
وهالشي خلق جو من الالفة والتقرب بين اهل هالبلد الواحد!
خلص موضوعنا لليوم،
و هلق انتو خبروني شو هو شهركن المفضل من السنة؟
