Top 10 activities that you can do in Lebanon during the summer season
مرحبا
انا ريان التنير و اليوم رح خبركن عن اهم الانشطة يلي ممكن تنعمل بلبنان خلال فصل الصيف.
بحلقة جديدة من بودكاستنا، <p-color-red>ح اخذكم<p-color-red> برحلة ع بلد السياحة والجمال، لبنان.
بيعتبر هالبلد واحد من أروع الوجهات السياحية بالعالم العربي، وخاصةً خلال فصل الصيف <p-color-red>يلي بيعج<p-color-red> بالأنشطة والمغامرات المثيرة.
بلبنان، بتلتقي الجبال العالية بالبحر الأزرق اللامتناهي، و <p-color-red>هالشي بيخلق<p-color-red> تنوع طبيعي استثنائي.
و بالتالي أول نشاط ممكن تستمتعو فيه هو السباحة.
فبيضم لبنان شواطئ معروفة، <p-color-red>بالماي الكريستالية<p-color-red> ، بتمتد عطول الساحل، بتسمح للزوار الاستمتاع بأشعة الشمس والسباحة بالماي الصافية.
وطبعاً هيدا غير الانشطة التانية ل ممكن تنعمل بالبحر متل جيت سكي، السرفنغ، الكياك و طبعاً الغطس.
فيه فِرَق و ناس متخصصة بتعلمكن الاسس الرئيسية لازم تعرفوها قبل ما تنزلو على الماي،
وبتعطيكن المعدات المطلوبة مع الألبسة المناسبة
وبتتأكد من معايير السلامة لازم تكون موجودة قبل ما تبلشو عملية الغطس.
التكلفة تعتبر نوعاً ما مرتفعة عالشخص، قريب 100 دولار
لانه بيعتبر نشاط مش سهل بيتطلب كتير من الوقت للاستعداد اللازم و ممكن يستغرق قريب ٦ ل ٧ ساعات
اما إذا كنتو من محبي الطبيعة، فجبال لبنان بتقدملكن تجربة مميزة من خلال الغابات الكثيفة للمناظر الجبلية المريحة للنظر و الأنفاس.
فيكن تستمتعو بنشاطات الكامبينغ، الهيكنغ و البيكنغ بهالاجواء المنعشة.
التكلفة جداً بسيطة ما بتتخطى ٢٥$ للنهار كلو
وعلى الاكيد، بتُعتبر الباراغلايدينغ وحدة من أكثر الأنشطة المثيرة والمغامِرة ممكن تنعمل بلبنان خلال فصل الصيف.
بكون موجود مدريين محترفين ليشرحولكن عن التجربة بالاول و <p-color-red>يحضروكن نفسيا<p-color-red> قبل الانطلاق.
أهم عنصر بهل التجربة هو السيفتي لان حتكونو طايرين بالسما فوق البحر و الجبل، فمن الطبيعي انو يتم التأكد اذا الطقس مناسب لهالنشاط، الشخص ما عندو خوف من المرتفعات، و انو الاحزمة <p-color-red>مربوطة<p-color-red> بطريقة سليمة و متمكنة قبل الطيران بالمظلة
التكلفة عالشخص ٨٠$ مع شريط فيديو و صور بيشاركوهن معكن أول ما تخلصو رحلتكن.
بالصيف، البحر <p-color-red>منو خياركن الوحيد<p-color-red> بلبنان.
فيكن كمان تتوجهو على الأنهر، تسبحو، تعملو مشاوي، و اكيد تعملو رافتنغ.
التكلفة عالشخص بحدود ٢٠$ بس ما بتتضمن سعر الصور و الفيديو.
. بكون معكن شخص مُحترف بيعرف كيف يسوق و بيخبركن كيف <p-color-red>لازم تجدفو بالماي<p-color-red> كمان، تما توقعو بالشلال و تعرضو حياتكن للخطر.
بعيداً عن الالعاب المائية، في غير انشطة ممكن تنعمل على البر و كمان بتسلي كتير
متل كارتنغ، زيب لاين، ا ت ف، ركوب الاحصنة و غيرهن
التكلفة معقولة لهيك أنشطة وخاصةً للعيل عندها ولاد و بدها تغيرلهن جو بنشاطات آمنة، بتدوم النهار كلو، و ما بتكلّف كتير بنفس الوقت.
الحلو بالمدن اللبنانية هو تألقها و تنوعها الثقافي والتاريخي.
فيكن تستكشفو و تتمشو بأسواق اهم المدن التاريخية - <p-color-red>النابضة بالحياة<p-color-red> متل سوق بيروت، جبيل، صيدا، البترون، صور، جونية، طرابلس و غيرهن
😁 و ما تنسو تشترو سوفنير
و هيدا غير المتاحف و المعارض الفنية و المطاعم اللبنانية القديمة يلي بتقدم اشهى المأكولات و أفضلها جودة.
معظم المطاعم المهمة بتكون مطلة عالبحر، فالناس بتحجز قبل أشهر بالصيف لتلاقي طاولة وقت السانست.
المتاحف بشكل عام دخوليتهن رمزية تيشجعوا الناس على دعم التاريخ والحضارة اللبنانية.
اما المأكولات بتختلف اسعارها على حسب نوع المطعم بس ممكن تبلّش من ١٥$ عالشخص ل ٥٠$ تقريباً
و اكيد ما فينا ننسى المهرجنات و الايفنتات بتنعمل بالصيف من مهرجانات الموسيقية للأنشطة الرياضية المتنوعة مثلاً متل المعارض و المراتون.
و دايماً بكون في شي ممتع بيفاجئ الزوار متل حضور فنانينهن المفضلين، اشخاص بتياب تنكرية و أقنعة، و كيوسكات بتبيع مختلف الاشيا على انواعها من كتب، و نباتات،
<p-color-red>و بتلاقو اشيا هندميد كمان<p-color-red> .
إذا كنتو عم تخططو لتزورو لبنان هالصيف، فهالبودكاست الكن!
انشاءالله تكون استمتعو و استفتدو من هالتفاصيل
بشوفكن قريباً
باي
